सिन्धुलीमा छोराले गरे ६५ वर्षीया आमाको ह*त्या

मेयरसाप डेस्क

काठमाडौं । सिन्धुलीको दुधौली नगरपालिका–१४, भौडीमा घरायसी विवादका कारण एक छोराले धारिलो हतियार खन्तीले हानेर आफ्नै आमाको हत्या गरेका छन् ।

जिल्ला प्रहरी प्रमुख लालध्वज सुवेदीका अनुसार, ४० वर्षीय तुलाराज सुनुवारले ६५ वर्षीया आमा फाल कुमारीको हत्या गरेका हुन् । सुनुवारले आमाको टाउको र छातीमा खन्तीले प्रहार गर्दा उनको घटनास्थलमै मृत्यु भएको प्रहरीले जनाएको छ ।

हत्यापछि भाग्दै गरेका तुलाराजलाई दुधौलीबाट खटिएको प्रहरी टोली र स्थानीयको सहयोगमा नियन्त्रणमा लिइएको थियो ।घटनाबारे थप अनुसन्धान भइरहेको प्रहरी निरीक्षक सिमोन धितालको कमान्डमा रहेको टोलीले जानकारी दिएको छ ।