अवरुद्ध सडक तदारुकताका साथ खोल्न सरकारको पहल

मेयरसाप डेस्क

काठमाडौं । बाढीपहिरोका कारण अवरुद्ध भएका सडकहरूलाई यथाशीघ्र खुलाउन सरकारले पहल गर्ने भएको छ ।

उपप्रधानमन्त्री तथा सहरी विकासमन्त्री प्रकाशमान सिंहको अध्यक्षतामा बसेको बैठकमा गृहमन्त्रालय र अन्य सम्बन्धित निकायका अधिकारीहरूले बन्द सडकहरू चाँडोभन्दा चाँडो सञ्चालनमा ल्याउने प्रतिबद्धता जनाएका हुन् ।

बैठकमा विपद् पूर्वतयारी प्रतिकार्य शाखाले देशभरका प्रभावित सडकहरूको बारेमा जानकारी गराएको थियो ।

हाल पासाङल्हामु राजमार्ग (रसुवा–गोसाइँकुण्ड), अरनिको राजमार्ग (भोटेकोशी–कोदारी र घट्टेखोला), बेनी–जोमसोम सडक, घोराही–थवाङ सहिद मार्ग, र भेरी तथा कर्णाली करिडोर का केही खण्डहरू अवरुद्ध छन् ।

ती सडकहरू खोल्नका लागि युद्धस्तरमा काम सुरु गरिने बताइएको छ ।