मेल्लेखमा नयाँ प्रमुख प्रशासकीय अधिकृत विष्ट हाजिर
मेयरसाप डेस्क
|
२०८२ पुष १८ गते १६:४९
अछाम । अछामको मेल्लेख गाउँपालिकामा नयाँ प्रमुख प्रशासकीय अधिकृतका रूपमा नारायण विष्ट हाजिर भएका छन् ।
लामो समयदेखि निमित्तको भरमा चल्दै आएको पालिकामा शुक्रवार विष्ट हाजिर भएका हुन् । बाँकेको डुडुवा गाउँपालिकाबाट सरुवा भई आएका विष्टलाई गाउँपालिका अध्यक्ष ज्वालासिंह साउँदले स्वागत गरेका थिए ।
स्वागत कार्यक्रममा बोल्दै अध्यक्ष साउँदले प्रमुख प्रशासकीय अधिकृतको स्थायी उपस्थितिसँगै अब पालिकाको प्रशासनिक कामकाज, विकास योजना कार्यान्वयन र सेवा प्रवाहले गति लिने विश्वास व्यक्त गरे ।
पदभार ग्रहण गर्दै अधिकृत विष्टले जनप्रतिनिधि र कर्मचारीसँगको समन्वयमा रही समयमै गुणस्तरीय सेवा प्रदान गर्न र विकास निर्माणका कार्यलाई तीव्रता दिन आफू प्रतिबद्ध रहेको बताए ।
Facebook Comments