एकैदिन साढे ९ हजारले घट्यो सुनको मूल्य
चाँदी पनि घट्यो ६२० रुपैयाँले
मेयरसाप डेस्क
|
२०८२ माघ २२ गते १२:१८
काठमाडौं । स्थानीय बजारमा बिहीबार सुन र चाँदीको मूल्यमा गिरावट आएको छ । नेपाल सुनचाँदी व्यवसायी महासङ्घका अनुसार छापावाल सुनको मूल्य तोलामा ९ हजार ५०० रुपैयाँले घटेर २ लाख ९५ हजार २०० रुपैयाँ कायम भएको छ । अघिल्लो दिन बुधबार सुन प्रतितोला ३ लाख ४ हजार ७०० रुपैयाँमा कारोबार भएको थियो ।
चाँदीको मूल्यमा पनि आज उच्च गिरावट देखिएको छ । बुधबार प्रतितोला ५ हजार ६०० रुपैयाँमा कारोबार भएको चाँदी आज ६२० रुपैयाँले घटेर ४ हजार ९८० रुपैयाँ कायम भएको छ । मंगलबार भने सुन २ लाख ९० हजार ३०० र चाँदी ५ हजार ३३५ रुपैयाँमा कारोबार भएको थियो ।
अन्तर्राष्ट्रिय बजारमा पनि आज बहुमूल्य धातुको मूल्य ओरालो लागेको छ । आज अन्तर्राष्ट्रिय बजारमा सुन प्रतिऔँस ४ हजार ८६६ अमेरिकी डलर र चाँदी प्रतिऔँस ७६ अमेरिकी डलरको हाराहारीमा कारोबार भइरहेको छ ।
Facebook Comments