ब'लात्कारको अभियोग लागेका दुधौली नगरपालिकाका मेयर पक्राउ
११ महिनापछि आफैँ हाजिर
मेयरसाप डेस्क
|
२०८२ फागुन ५ गते १०:०७
सिन्धुली । किशोरीमाथि जबरजस्ती करणीको अभियोगमा दुधौली नगरपालिकाका मेयर दिनेश अधिकारी दनुवार पक्राउ परेका छन् ।
बलात्कारको आरोपमा ११ महिनादेखि फरार रहेका उनलाई मंगलबार नियन्त्रणमा लिएको जिल्ला प्रहरी कार्यालय सिन्धुलीले जनाएको छ । प्रहरीका अनुसार मंगलबार उनी आफैँ जिल्ला प्रहरी कार्यालय आएका हुन् ।
गत वैशाखमा उनीविरुद्ध १८ वर्षकी किशोरीले जाहेरी दिएकी थिइन् । जाहेरी परेपछि उनी फरार थिए । किशोरी १७ वर्षको उमेर हुँदा जबरजस्ती करणी गरेर उनलाई गर्भवती बनाएको र किशोरीले बच्चासमेत जन्माएकी जाहेरीमा उल्लेख छ ।
जाहेरीमा उल्लेख गरेअनुसार किशोरी दुधौली नगरपालिकाकै एक होटलमा कार्यरत रहँदा मेयर दनुवारले जबरजस्ती करणी गरेका थिए ।
Facebook Comments