स्याङ्जा । जिल्लाका ११ वटै पालिकामा डेंगु सङ्क्रमण तीव्र रूपमा फैलिएको छ। स्वास्थ्य कार्यालय स्याङ्जाका अनुसार भदौ महिनामा मात्रै २ सय ७ जनामा डेंगु सङ्क्रमण पुष्टि भएको छ भने साउनमा ८२ जनामा सङ्क्रमण देखिएको थियो।

भीरकोट नगरपालिका, गल्याङ नगरपालिका, वालिङ नगरपालिका, पुतलीबजार नगरपालिका, अर्जुनचौपारी गाउँपालिका, कालीगण्डकी गाउँपालिका, आँधीखोला गाउँपालिका, बिरुवा गाउँपालिका, फेदीखोला गाउँपालिका, हर्पन गाउँपालिका, र चापाकोट नगरपालिकामा डेंगुका बिरामी फेला परेका छन्।

डेंगु सङ्क्रमण बढ्दै गएपछि स्थानीय तहहरूले ‘खोजेर नष्ट गर अभियान’ सञ्चालन गरेर लामखुट्टेका बासस्थान नष्ट गर्न र जनचेतनामूलक कार्यक्रमहरू सुरु गरेका छन्। स्वास्थ्य कार्यालय स्याङ्जाका प्रमुख केशव चापागाईंले असोज महिनामा सङ्क्रमणको दर अझै बढ्न सक्ने भन्दै पालिकाहरूले समुदायमा परीक्षण र जनचेतना फैलाउन सक्रियता देखाएको बताए ।