काठमाडौं । अविरल वर्षाका कारण काठमाडौं महानगरपालिकाका विभिन्न स्थानमा जनजीवन प्रभावित भएको छ। बाढी, पहिरो, र डुबानको कारण आपतकालीन अवस्थाहरूमा काठमाडौँ महानगरपालिकाले निःशुल्क एम्बुलेन्स सेवा उपलब्ध गराएको छ। यदि यस्तो आपतकालीन अवस्थामा अस्पताल जान आवश्यक परेमा १०२ मा फोन गरेर यो सेवा लिन सकिन्छ।

सेवा लिने तरिका:

1. फोन सम्पर्क: १०२ मा फोन गरेर बिरामीको सामान्य लक्षणहरूको बारेमा जानकारी दिनुहोस्।
2. प्राथमिक उपचार तयारी: फोन सम्पर्कपछि, नर्सले बिरामीको लक्षण अनुसार प्राथमिक उपचारका लागि आवश्यक तयारी गर्छन्।
3. एम्बुलेन्सको आगमन: फोन गरेको ५ देखि १५ मिनेटभित्र एम्बुलेन्स बिरामी भएको स्थानमा पुगिसक्छ। एम्बुलेन्सको पहुँच नभएका क्षेत्रहरूमा केही समय लाग्न सक्छ।

सेवाका विशेषताहरू:

• यो सेवा पूर्ण रूपमा निःशुल्क छ। कुनै पनि शुल्क तिर्नु पर्दैन।
• एम्बुलेन्समा प्राथमिक उपचारका लागि आवश्यक सामग्री, जस्तै अक्सिजन र प्राथमिक उपचार बक्स, उपलब्ध छन्।
• यदि कसैले एम्बुलेन्स सेवाबापत शुल्क तिर्नुपरेको छ भने, तुरुन्तै ११८० मा सम्पर्क गरेर जानकारी दिन सकिन्छ।

विपद् व्यवस्थापनका लागि आपतकालीन सम्पर्क नम्बरहरू:

• जलजन्य विपद् (डुबान, कटान, बाढी, पहिरो) सम्बन्धी जानकारीका लागि: १६६००१०५५११ वा ११८०
• महानगर प्रहरी बल हटलाइन: ९८५१३५६५०९