हर्क साम्पाङको पार्टीलाई निर्वाचन आयोगले दियो आधिकारिकता
उपाध्यक्षमा देवराज लामा
मेयरसाप डेस्क
|
१० घण्टा अगाडि
काठमाडौं । धरान उपमहानगरपालिकाका मेयर हर्क साम्पाङ नेतृत्वको ’श्रम संस्कृति पार्टी’ले निर्वाचन आयोगबाट आधिकारिकता पाएको छ ।
आज आइतबार पार्टी अध्यक्ष साम्पाङ स्वयं निर्वाचन आयोग पुगेर दल दर्ताको प्रमाणपत्र लिएका हुन् । पार्टीको चुनाव चिह्न ’माटो’ राखिएको छ ।
पार्टीमा २८ जना केन्द्रीय सदस्य र पाँच जना पदाधिकारी रहेका छन् । उपाध्यक्षमा देवराज लामा, महासचिवमा आर्यन राई, कोषाध्यक्ष समिता राई र प्रवक्तामा अरुण गुरुङ रहेका छन् ।
साम्पाङले गत असोज १२ गते आयोगमा दल दर्ताका लागि निवेदन दिएका थिए ।
Facebook Comments