प्रहरी सेवा कारबाहीमुखी मात्र होइन, सेवामुखी हुनुपर्छ : आईजीपी कार्की
मेयरसाप डेस्क
|
२०८२ माघ २२ गते १३:५७
कोहलपुर । नेपाल प्रहरीका महानिरीक्षक (आईजीपी) दानबहादुर कार्कीले प्रहरीले प्रवाह गर्ने सेवालाई गुणस्तरीय, संवेदनशील र पीडितमैत्री बनाउन निर्देशन दिएका छन् ।
इलाका प्रहरी कार्यालय कोहलपुर परिसरमा निर्मित ‘महिला, बालबालिका तथा ज्येष्ठ नागरिक सेवा केन्द्र’को नयाँ भवन उद्घाटन गर्दै उनले प्रहरी अब कारबाहीमुखी मात्र नभई सहयोगमुखी संस्थाको रूपमा स्थापित हुनुपर्नेमा जोड दिए ।
बेलायत सरकारको सहयोगमा युनोप्सद्वारा करिब २ करोड १४ लाख ७३ हजार रुपैयाँको लागतमा निर्माण गरिएको उक्त भवनले पीडितको गोपनीयता र सम्मानलाई उच्च प्राथमिकता दिने विश्वास लिइएको छ ।
‘पीडितको मनोविज्ञान बुझेर संवेदनशीलता र मानवताका आधारमा सेवा प्रवाह गर्न यस्ता आधुनिक संरचनाले महत्त्वपूर्ण भूमिका खेल्नेछन्,’ महानिरीक्षक कार्कीले भने ।
Facebook Comments