तोलामा १ हजार ५ सय रूपैयाँले घट्यो सुनको मूल्य
मेयरसाप डेस्क
|
२०८२ फागुन ५ गते ११:११
काठमाडौं । नेपाली बजारमा सुनको मूल्यमा लगातार गिरावट देखिन थालेको छ । साताको चौथो दिन बुधबार सुनको मूल्य तोलामा १ हजार ५०० रुपैयाँले घटेको छ ।
नेपाल सुनचाँदी व्यवसायी महासङ्घका अनुसार आजका लागि छापावाल सुनको प्रतितोला मूल्य ३ लाख ४०० रुपैयाँ निर्धारण गरिएको छ ।
साताको पहिलो दिन आइतबार ३ लाख ५ हजार ८०० रुपैयाँ पुगेको सुनको भाउ बुधबारसम्म आइपुग्दा ५ हजार ४०० रुपैयाँले सस्तिएको छ । हिजो मंगलबार सुन ३ लाख १ हजार ९०० रुपैयाँमा कारोबार भएको थियो ।
सुनसँगै चाँदीको मूल्यमा पनि सामान्य गिरावट आएको छ । आज चाँदी तोलामा ५ रुपैयाँले घटेर ४ हजार ८८० रुपैयाँ कायम भएको छ । हिजो चाँदी ४ हजार ८८५ रुपैयाँमा खरिदबिक्री भएको थियो ।
अन्तर्राष्ट्रिय बजारमा आज सुन प्रतिऔँस ४ हजार ९२० अमेरिकी डलर र चाँदी ७५ डलर आसपासमा कारोबार भइरहेको छ ।
Facebook Comments