बंगलाचुली गाउँपालिकाका पूर्वअध्यक्ष वली रास्वपा प्रवेश
मेयरसाप डेस्क
|
२०८२ फागुन ६ गते ११:२९
काठमाडौं । तत्कालीन माओवादी केन्द्रका प्रभावशाली नेता तथा बंगलाचुली गाउँपालिकाका पूर्वअध्यक्ष भक्तबहादुर वली राष्ट्रिय स्वतन्त्र पार्टीमा प्रवेश गरेका छन् । उनलाई रास्वपाका सहमहामन्त्री एवं दाङ क्षेत्र नं. २ का उम्मेदवार विपिनकुमार आचार्यले पार्टीमा स्वागत गरेका छन् ।
वली स्थानीय राजनीतिमा लामो अनुभव सँगालेका नेता हुन् । २०५४ सालको स्थानीय निकाय निर्वाचनमा नेकपा एमालेबाट तत्कालीन काभ्रे गाविसको अध्यक्ष निर्वाचित भएका उनी पछि माओवादीमा प्रवेश गरेका थिए ।
२०७४ सालको स्थानीय तह निर्वाचनमा माओवादीकै तर्फबाट उनी बंगलाचुली गाउँपालिकाको अध्यक्ष चुनिएका थिए । २०७९ को स्थानीय निर्वाचन र आसन्न प्रतिनिधिसभा निर्वाचनमा पनि उम्मेदवारका आकांक्षी रहेका वलीले पार्टीले टिकट नदिएपछि नेतृत्वसँग असन्तुष्टि जनाउँदै रास्वपा रोजेका हुन् ।
Facebook Comments