काठमाडौँ
असोज १६ गते ,
ताप्लेजुङको सिरिजङ्गा गाउँपालिका-३ का वडाध्यक्ष दिल प्रसाद बोखिमले पदबाट राजीनामा दिएका छन् । गाउँपालिका अध्यक्ष मार्फत जिल्ला निर्वाचन कार्यालय ताप्लेजुङलाई पत्र मार्फत जानकारी दिँदै उनले शारीरिक अस्वस्थता र घरायसी कारणले विदेशबाट फर्कन नसक्ने जनाउँदै राजीनामा दिएका हुन् ।
वैदेशिक रोजगारीको क्रममा बोखिम विगत ११ महिनादेखि हङकङमा छन् । अस्वस्थताका कारण तत्काल घर फर्कन नसक्ने अवस्थामा पुगेको भन्दै उनले यही असोज १८ गतेदेखि लागू हुने गरी राजीनामा दिएका हुन् । उनले जनताको सेवा पूरा अवधि गर्न नसकेकोमा दुःख प्रकट गरेका छन् ।  बोखिमको अनुपस्थितिमा वडा सदस्य अम्बि साउदेनले कार्यवाहक वडाध्यक्षको भूमिका निर्वाह गरिरहेका छन् ।