काठमाडौँ 

असोज २१ गते,

सन्दकपुर गाउँपालिकाको वडा नम्बर २ हाल संकटमा परेको छ र यसलाई ‘संकटग्रस्त वडा’को रूपमा घोषणा गर्नका लागि सिफारिस गरिएको छ। जिल्ला विपद् व्यवस्थापन समितिको शुक्रबारको बैठकमा बाढी र पहिरोले यस वडामा बढी क्षति पु¥याएको पुष्टि भएको हो ।
यस क्षेत्रमा अविरल वर्षाका कारण सम्पूर्ण भौतिक संरचनाहरू जस्तै बाटो,पुल,र निजी आवासमा व्यापक क्षति पुगेको छ। प्रारम्भिक तथ्याङ्कअनुसार १५० भन्दा बढी निजी आवास प्रभावित भएका छन् र बस्ती स्थानान्तरण गर्नुपर्ने अवस्था आएको छ ।
गाउँपालिकाका प्रमुख प्रशासकीय अधिकृत यादव राउतका अनुसार खेतीको २००० रोपनीभन्दा बढी क्षेत्र नष्ट भएको छ,र खानेपानी तथा सिँचाइका विभिन्न आयोजना पनि प्रभावित भएका छन्। यस क्षेत्रको विकासका लागि आवश्यक स्रोत र साधन नपुग्ने भएकाले संघीय सरकारलाई यसलाई संकटग्रस्त वडा घोषित गर्न अनुरोध गरिएको छ ।
वडामा भइरहेको क्षति र समस्याहरूको विवरण संकलन गरिरहेको र यसका समाधानका लागि तदारुकता लिइँदैछ ।